تلخ وترش ۔۔۔۔۔۔۔۔ اسانغنی مشتاق احمد رفیقی



                                             
٭ دہلی کے تیس ہزاری کورٹ میں پولیس اور وکیلوں کے درمیان ہوئی جھڑپ‌کے بعد پولیس اہلکاروں پر ہوئے حملے کی مخالفت میں منگل کو سینکڑوں پولیس اہلکاروں نے پولیس ہیڈ کوارٹر  کے باہر مظاہرہ کیا۔۔۔۔۔ ایک خبر
عدالت میں تو ایسا  بہت بار دیکھا لیکن پولیس، وکیلوں سے سڑک پر بھی ہار جائے گئی،  سوچا بھی نہیں تھا۔ حکومت کو چاہئے کہ وہ پولیس والوں کی حفاظت کے لئے ایک نئے فورس کی تشکیل کرے۔
٭اسامہ اور بغدادی کے خلاف امریکی آپریشن میں کیا مماثلت ہے؟۔۔۔۔ ایک سوال
اسامہ اور بغدادی کو  پال پوس کر بڑا کر کے ان سے جتنا کام لینا تھا لے لینے کے بعد ان کو ختم کر نے کے لئے خفیہ آپریشن کر کے ان کی لاشیں بھی دنیا کو دکھائے بغیر اس کہانی کو انجام تک پہنچانے کی، اس ہالی ووڈ تھرلر کی ہر سین کا اسکرپٹ ایک ہی ہے۔ تماشا بین خود مماثلت ڈھونڈ لیں۔
٭سعودی عرب نے اپنی تاریخ میں پہلی بار 31 اکتوبر 2019 کو خواتین میں ریسلنگ کا مقابلہ ڈبلیو ڈبلیو ای کراﺅن جیول شو کے تحت منعقد کیا۔۔۔۔اردو نیوز
لیکن تماشہ بینوں کو یہ دیکھ کر سخت مایوسی ہوئی کہ ریسلنگ میں مقابلہ کرنے والے خواتین ٹو پیس میں نہیں مکمل لباس میں تھیں۔ ہائے افسوس! امید ہے شہزادہ سلمان اگلے مقابلے میں یہ قید ہٹا دیں گے۔
٭وزیر اعظم مودی کے دو روزہ سعودی دورے کے دوران سعودی شاہ سلمان بن عبداللہ اور ولی عہد شہزادہ محمد بن سلمان دونوں نے ہی وزیر اعظم مودی کے لئے الگ الگ ضیافت کا اہتمام کیا۔وزیر اعظم مودی کے دورے کے دوران بھی یہ بات واضح طورپر دکھائی دی کہ سعودی عرب کے ساتھ ہندوستان کے رشتوں میں پچھلے چند برسوں میں کافی تبدیلی آئی ہے، دونوں ممالک ایک دوسرے کے زیادہ قریب آئے ہیں۔۔۔۔ ایک اہم خبر
ضیافت کا مینو مت پوچھیں، اور رہی دونوں سربراہان کی ایک دوسرے سے  قریب آنے کی بات بے شک ایساہی ہوا ہے کیونکہ ولی را ولی می شناسم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

Comments

Post a Comment

Popular posts from this blog

مسجد خدمت کمیٹی، ایک تعارف، ایک جائزہ ............................... اسانغنی مشتاق رفیقیؔ

تقریباً ڈھائی تین سال پہلے کی بات ہے، محلے کی مسجد میں جیسے ہی جمعہ کی نماز ختم ہوئی ایک صاحب کھڑے ہوگئے اور پانچ منٹ کی مختصر تقریر کی جس کا لب لباب یہ تھا ”آنحضور ﷺ کے زمانے میں مسجدوں کے تحت، خاص کر مسجد نبوی میں چار کام ہوتے تھے، عبادت، دعوت، تعلیم اور خدمت۔ عبادات کا نظام اسی طرز پرآج بھی جاری ہیں، نماز وں سے ذکر و اذکار کی مجلسوں سے مساجد آباد ہیں۔ تعلیم کا نظام بھی کسی نہ کسی شکل میں وعظ و نصائح کے مجالس قائم کرکے اور مکاتب کے ذریعے موجود ہے۔ دعوت کا عمل بھی مسجدوں سے جڑا ہوا ہے۔ لیکن خدمت کے شعبے سے مساجد خالی ہوچکے ہیں۔ حالانکہ اس کی بھی اتنی ہی اہمیت ہے جتنی عبادت تعلیم اور دعوت کی ہے۔ آپ ﷺ کے دور میں اور خلفائے راشدین کے دور میں خدمت کے جتنے بھی کام انجام پاتے تھے وہ مسجد کے تحت ہی انجام پاتے تھے۔ غرباء اور ضرورت مندوں کی مدد، مسکینوں کو کھاناکھلانا، بیمار وں کے علاج کے لئے مسجدوں سے ہی انتظام کئے جاتے تھے۔ مسجدوں کے تحت،خدمت کے اس عمل کو پھر سے جاری کرنے کے لئے مسجد خدمت کمیٹی کے نام سے ایک کمیٹی ہمارے صوبے میں کچھ سالوں سے کام کر رہی ہے۔ آج آپ کے مسجد میں اس کی شاخ قائم ...
Read more

تلخ و ترش ........................ اسانغنی مشتاق رفیقیؔ

    ٭پیٹ پر پتھر باندھ کر اپنے بچوں کو اعلیٰ تعلیم دلوائیں مسلمان، اب ہمیں ایسے اسکولوں کی ضرورت ہے جس میں مذہبی شناخت کے ساتھ ہمارے بچے دنیاوی تعلیم حاصل کرسکیں۔۔۔صدر جمعیتہ علماء ہند مولانا سید ارشد مدنی صدر جمعیتہ سے عاجزانہ التماس ہے کہ پہلے وہ اپنے اور اپنے زیر اثر مدرسوں کے بچوں کو اعلیٰ تعلیم دلانے کے لئے پیٹ پر باندھے بغیر ہی ہر ممکن کوشش کریں، باقی رہے عامی مسلمان تو وہ دو روز ہ دنیا کے لئے اپنے بچوں کو عصری اعلیٰ تعلیم دلوا کر کیوں اپنی اور اُن کی عاقبت برباد کریں۔ بقول ہمارے ایک کرم فرما کہ۔۔۔ جس تعلیم کی کوئی فضیلت ہی نہیں اس کا حصول در حقیقت وقت کا زیاں ہے۔ ٭کیا امریکی جمہوریت خطرے میں ہے؟۔۔۔ ایک سوال بلکل نہیں، کیونکہ وہ مضبوط قوت ارادی رکھنے والے عیار سرمایہ داروں کے زیر اثر ہے۔ وہ ایک دو نہیں ہزاروں خطروں سے نمٹنے کی صلاحیت رکھتی ہے۔ وقتی طور پر اس کے امیج کو دھکا ضرور لگا ہے لیکن اس کا اندرون انتظامی ڈھانچہ اتنا مضبوط ہے کہ ہمیں کسی بھی طرح کی خوش فہمی میں مبتلا ہونے کی کوئی ضرورت نہیں ہے۔ ٭ہندوستانی مسلمانوں کا المیہ، ہوئے اپنے ہی گھر میں بیگانے۔۔...
Read more

لوگوں میں بڑھتی ہوئی بے یقینی اور ہمارا فرض منصبی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اسانغنی مشتاق احمد رفیقیؔ

جرعات دنیا جس تیزی سے ترقی کی طرف بڑھ رہی ہے اسی تیزی سے اپنا اعتبار بھی کھوتی جارہی ہے۔ ہر چیز پر بے یقینی کے بادل گہرے ہوتے جارہے ہیں۔ انسان اپنی زندگی کو پر کیف بنانے کے لئے آرام و آسائش کے ممکنات تک رسائی حاصل کرنے میں کامیاب تو ہوتا جارہا ہے لیکن زندگی کی بے یقینی کو یقین سے بدلنے میں ٓج بھی ناکام ہے۔ آسمان پر کمندیں ڈالنے والا، چاند اور ستاروں کو فتح کر لینے کا دعویدار، سمندر کی تہہ کو چھو آنے والا، خلاؤں کو اپنی وجود کا احساس دلانے ولا انسان جب ایک جرثومے سے ڈر کر چوہوں کی طرح اپنی بلوں میں چھپنے لگتا ہے تو حیرت ہی نہیں، اپنے آپ پر اپنی نام نہاد صلاحیتوں پر اُس کی بے یقینی نمایاں ہوتی ہے۔ تعجب ہوتا ہے جب یہ بے یقین انسان ایک ایسی دنیا کے لئے جس کے موسم کا، اگلے پل کا کوئی اعتبار نہیں،رنگ و نسل، مذہب اور خدا  اور اپنے قائم کردہ نام نہاد جغرافیائی حدود کے نام پر اپنے ہی جیسے انسانوں کا بے دریغ خون بہاتا ہے، اُن کے ساتھ جانوروں کے جیسا سلوک کرتا ہے، اُنہیں کتے کے پلّے سے تشبیہ دے کر اُن کی ذلیل کرتا ہے، اُن کے لباس پر اُن کے طرز معاشرت پر اُن کے کھانے پینے کے عادات میں دخل ...
Read more